Bird

Bailey, de 12 anos, vive co seu pai solteiro Bug e o seu irmán Hunter nunha casa ocupada do norte de Kent. Bug. Non ten moito tempo para os seus fillos e Bailey, que se achega á puberdade, busca atención e aventuras pola súa conta.

Arnold estudou Dirección no AFI Conservatory de Los Ángeles. Tras realizar varias curtametraxes, gañou o Óscar á Mellor Curtametraxe de Ficción por Wasp, en 2005.

En 2006, a súa primeira película, Rede road, gañou o Premio do Xurado no Festival de Cannes e o Premio Carl Foreman dos BAFTA. A súa segunda película, Fish tank, está protagonizada por Michael Fassbender e Katie Jarvis. Gañou o Premio do Xurado no Festival de Cannes de 2009. Tamén gañou o BAFTA en 2010 á Mellor Película Británica. A súa terceira película, Cumbres borrascosas, foi unha adaptación da novela de Emily Brontë. A película estreouse en Sección Oficial no Festival de Venecia de 2011. A súa cuarta película, American Honey, rodouse en Estados Unidos con Sasha Lane e Shia LaBeouf. Valeulle a Arnold o seu terceiro Premio do Xurado no Festival de Cannes de 2016. En 2018/2019, Andrea dirixiu a segunda temporada de Big Little Lies para HBO. A súa primeira longametraxe documental, Cow, estreouse no Festival de Cannes de 2021, con moi boas críticas.

* Con subtítulos en castelán

Protagonizada por Barry Keoghan e Franz Rogowski, Bird é a primeira longametraxe con guión da propia Andrea desde 2016. Producida por House Productions.

Ano de produción: 2024

Duración: 119’

País: Reino Unido

Idioma: inglés

Directora: Andrea Arnold

Elenco: Nykiya Adams, Barry Keoghan, Jasmine Jobson, James Nelson-Joyce, Frankie Box e Jason Edward Buda

Produción: Lee Groombridge, Tessa Ross e Juliette Howell

Guionistas: Andrea Arnold

Dirección de fotografía: Robbie Ryan

Empresas produtoras: House Productions, Ad Vitam Productions e Arte France Cinéma

Vendas internacionais: Cornerstone

Seleccionada no Festival de Cannes e premiada no Festival de Hamburgo.