L’Homme d’ argile (The dreamer)

Raphaël é o coidador dunha mansión onde xa non vive ninguén. A piques de cumprir 60 anos, vive coa súa nai nunha pequena casa situada á entrada dos terreos da señorial mansión. Entre a caza da toupa, a práctica da gaita e algún que outro paseo na furgoneta Kangoo da carteira, os días parécense. Pero unha noite de tormenta, Garance, a herdeira do predio, regresa á morada da familia e xa nada volverá ser o mesmo.

Anaïs Tellenne é escritora e directora. Bailarina e actriz de formación, comezou a súa carreira como actriz de cinema, televisión e teatro. Mentres traballaba nestas distintas etapas, desenvolveu un grande interese por escribir e dirixir. En 2016, escribiu e dirixiu a súa primeira curtametraxe, 19 Juin (France 2). Mentres reunía o elenco desta película, coñeceu a Raphaël Thiéry, a quen lle deu o papel principal na súa segunda curtametraxe Le mal bleu (Arte), codirixido con Zoran Boukherma. Despois de rodar a súa última curtametraxe, Modern Jazz (France 2), foi elixida para a selección anual do taller de guionistas en residencia de Le Groupe Ouest, onde desenvolveu o guión da súa primeira longametraxe, The dreamer, que rodou un ano e medio despois en Borgoña con Raphaël Thiéry e Emmanuelle Devos nos papeis principais. Ao mesmo tempo, desde 2020, Anaïs traballa como coguionista de Louise Hémon para a súa longametraxe L’Engloutie (bolsa de escritura Beaumarchais 2022, premio de guión 2023). En 2024, Anaïs estará en Estados Unidos rodando a súa segunda longametraxe, Les Indépendants, unha película biográfica sobre a pintora impresionista Mary Cassatt.

* Con subtítulos en castelán

Ano de produción: 2023

Duración: 94’

País: Francia

Idioma: francés. Versión orixinal subtitulada ao castelán

Directora: Anaïs Tellenne

Elenco: Raphaël Thiéry, Emmanuelle Devos, Mireille Pitot,  Marie-Christine Orry, Cesare Capitiani, Christine Gaillard e Natasha Cashman

Produción: Diane Jassem e Céline Chapdaniel  

Guionistas: Anaïs Tellenne

Dirección de fotografía: Pierre W. Mazoyer    

Empresas produtoras: Vagabonds Films - Micro Climat

Vendas internacionais: Be For Films

Seleccionada no Festival de Venecia, BAFICI, TIFF, Transilvania, D’A. Premio do Público en Busan.

Estrea na Coruña