Doutora en Literatura Comparada e diplomada en Dirección Cinematográfica pola Met Film School. Despois dun período de formación como curtametraxista, estrea a súa primeira longametraxe en 2017, Esquece Monelos. A película foi estreada e premiada en diversos festivais nacionais e internacionais. En 2022 estrea O corpo aberto, que obtivo 12 premios Mestre Mateo na última edición dos premios da Academia Galega do Audiovisual. Actualmente está a preparar unha aproximación cinematográfica á figura de Castelao.

Foto: ©Marcos Pereiro

Chelo Loureiro produciu máis de vinte proxectos e recolleu máis de trescentos premios en festivais internacionais, tres Premios Goya, un Premio Gaudí e dez premios Mestre Mateo.

Valentina, a súa primeira longametraxe como directora, obtivo o Premio Goya á Mellor Película de Animación 2022, e en 2023 como produtora de Unicorn Wars, de Alberto Vázquez.

Jaione Camborda estudou na Escola de Cine de Praga (FAMU) e na Escola de Cine de Múnic (HFF). A súa primeira longametraxe, Arima (2019), foi premiada en varios festivais. Dirixiu curtas como Prueba de agilidad, Nimbos, Lilit ou Rapa das bestas. Guionista das longametraxes Los fenómenos e Ons, dirixidas por Alfonso Zarauza, e traballou como directora de arte.

Olga Osorio, doutora en Humanidades pola UDC (premio extraordinario) e licenciada en Xornalismo pola Complutense de Madrid, é catedrática de ensino secundario na especialidade de Procesos e Medios de Comunicación na Escola de Imaxe e Son da Coruña, onde imparte Dirección e xestión de cinema, así como Planificación de cámara. Dirixiu varias curtas, como Mouras, gañadora de 69 premios, e ¡Salta!, a súa primeira longametraxe.

Comezou a súa carreira como xornalista e pasou aos poucos anos ao xornalismo de investigación nas máis importantes canles nacionais. Dende aí deu o salto aos documentais e á ficción. Dirixiu o documental estreado na SEMINCI A batalla descoñecida, gañadora do Mestre Mateo, e a serie documental para NETFLIX Dónde está Marta, un éxito en todo o mundo. En ficción dirixiu a película A Illa das Mentiras estreada na sección oficial do Festival de Shanghai, e posteriormente no Festival de San Sebastián, recibiu diversos galardóns na súa andaina internacional e foi a película máis vista en Filmin na súa estrea. Tamén dirixiu varias ficcións sonoras para Audible de Amazon, e foi guionista e produtora executiva de varias películas e documentais.