Sinopsis
Chinas é a historia de tres mozas de orixe chinesa que viven en Madrid. Lucía é filla de inmigrantes chineses, ten nove anos e o seu soño é celebrar os seus aniversarios no Burger King, aínda que os seus pais, que non falan español e traballan máis de catorce horas no bazar, pensan que iso son cousas de españois. Claudia está a empezar a vivir en primeira persoa o racismo entre adolescentes. Xiang é adoptada e faise preguntas sobre a súa familia biolóxica. As tres historias crúzanse e sepáranse, pero manteñen un obxectivo común: a procura da propia identidade.
Arantxa Echevarría é directora e guionista. A súa primeira longametraxe, Carmen y Lola, foi proposta a oito premios Goya en 2019, gañando dous: o de mellor dirección novel e mellor actriz secundaria para Carolina Yuste. O guión foi ademais finalista do premio Julio Alejandro da “Sociedad General de Autores y Editores (SGAE)”. Ademais, foi seleccionada en 2018 para a Quincena de Realizadores do festival de Cannes, convertendo a Arantxa na primeira directora española en ser seleccionada para a Quincena. En 2021 estreouse a súa longametraxe La Familia Perfecta, unha comedia protagonizada por Belén Rueda e José Coronado, distribuída por Universal e coa participación de Antena 3. A película foi unha das dez con máis éxito de público do ano e número un en Netflix España e número dous en Netflix mundial. Tamén dirixiu en televisión o último capítulo da serie El Cid e dous capítulos de Días mejores, ambas para Amazon Prime.
Directora: Arantxa Echevarría Carcedo (España)
Xénero: Ficción
País de produción: España
Ano de produción: 2023
Duración: 118’
Idioma: Castelán, Chinés. VOSE
Elenco: Shiman Yang, Ela Qiu e Xinyl Ye, Leonor Watling, Pablo Molinero, Carolina Yuste
Produción: Arantxa Echevarria, Jaime Ortiz de Artiñano, Gonzalo Salazar-Simpson, Pilar Sánchez Díaz.
Guionistas: Arantxa Echevarría Carcedo
Dirección de fotografía: Pilar Sánchez Díaz
Empresas produtoras: Hojalata Films, A.I.E. (98%), Tvtec Servizos Audiovisuais,S.L. (1%), Lazona Producións, S.L (1%)
Vendas internacionais: Latido Films
Seleccionada en San Sebastián, proposta aos Goya.
