Sinopsis
Vasil é intelixente, carismático e un número un xogando ao bridge e ao xadrez, pero dorme na rúa desde que chegou de Bulgaria. Alfredo, un arquitecto xubilado, acólleo na súa casa durante un tempo ante a mirada atónita da súa filla Luisa. Os dous homes non teñen nada en común, agás a súa paixón polo xadrez. A pesar das súas diferenzas, aos poucos Vasil conseguirá romper as barreiras construídas por Alfredo.
Avelina Prat é licenciada en arquitectura, pero ten unha longa traxectoria no cinema, onde traballou como script en máis de trinta longametraxes, con directores como Fernado Trueba, Lucile Hadzihalilovic, Javier Rebollo ou Cesc Gai. Escribiu e dirixiu numerosas curtametraxes de amplo recoñecemento en festivais nacionais e internacionais, como 3/105, seleccionado na Mostra de Venecia de 2014. Vasil é a súa primeira e agardada longametraxe de ficción.
Directora: Avelina Prat (España)
Xénero: Ficción
País de produción: España/Bulgaria
Ano de produción: 2022
Duración: 93’
Idioma: Española
Elenco: Ivan Barnev, Karra Elejalde, Alexandra Jiménez, Sue Flack, Susi Sánchez, Lorena López, Pepo Blasco, Pepa Juan.
Produción: Miriam Porté
Guionistas: Avelina Prat
Dirección de fotografía: Santiago Racaj
Empresas produtoras: Distinto Films e Activist 38
Vendas internacionais: Filmax
Premio ex aequo Mellor Actor en SEMINCI e gañadora Premios Berlanga en Valencia. Proposta aos Premios Feroz e Gaudí.
