Animalia

A moza Itto (Oumaïma Barid) atópase nun estado bastante avanzado do seu embarazo mentres que se adapta á opulenta vida da súa nova familia, que difire das súas orixes rurais humildes. O seu marido Amine (Mehdi Dehbi) está de viaxe de negocios cando Itto ten que se enfrontar a un misterioso estado de emerxencia que se declara en todo o país.

Sofía Alaoui naceu en Casabranca, de pai marroquí e nai francesa e medrou entre Marrocos e a China. Despois de graduarse da escola secundaria en Casabranca, mudouse a París para estudar cinema. En 2017 regresou a Marrocos para desenvolver a súa propia produtora, Jiango Films. Dirixiu curtas tanto documentais como de ficción que foron seleccionadas en moitos festivais. A súa película ¿Y qué pasa si las cabras mueren? rodouse nas montañas do Atlas, con actores non profesionais e utilizando exclusivamente o tamazight, unha das linguas bereberes máis faladas de Marrocos. Gañou o Gran Premio do Xurado no Festival de Cinema de Sundance en 2020, e o César á mellor curtametraxe de ficción en 2021. Logo dirixiu unha curtametraxe fantástica para 20th Century Fox, The Lake. Animalia é a súa primeira longametraxe.

Directora: Sofia Alaoui (Francia/Marrocos)

Xénero: Ficción

País de produción: Marrocos/Catar/Francia

Ano de produción: 2023

Duración: 90’

Idioma: Francés, Árabe, Linguas Bereberes. VOSE

Elenco: Oumaima Barid, Mehdi Dehbi

Produción: Toufik Ayadi, Christophe Barral

Guionistas: Sofia Alaoui, Laurie Bost, Raphaëlle Desplechin

Dirección de fotografía: Noé Bach

Empresas produtoras: Wrong Films, Srab Films, Dounia Productions

Vendas internacionais: Totem

Gañadora do premio especial á Visión Creativa en Sundance, seleccionada en Hong Kong, Múnich, San Francisco, Istambul, Guanajuato, entre outros

Estrea na Coruña