Sinopsis
Augusto Góngora, un veterano xornalista chileno e destacado cronista dos crimes do réxime de Pinochet, e Paulina Urrutia, actriz, activista e política, foron unha parella moi unida durante máis de vinte anos. A Augusto diagnosticáronlle Alzheimer fai oito anos e ambos enfrontan xuntos o inexorable e acelerado descenso das súas facultades físicas e mentais. A historia de dedicación de Paulina e a feroz loita de Augusto por conservar a súa identidade conforman un testemuño profundamente conmovedor. A memoria eterna é á vez unha investigación sobre a dignidade humana na vellez e a adversidade e sobre os mecanismos do recordo individual e colectivo.
Maite Alberdi é unha directora e produtora chilena. É a primeira muller chilena proposta aos Premios da Academia. Desenvolveu un estilo particular que se caracteriza polo retrato íntimo de pequenos mundos, e a súa voz única levouna a ser unha das voces máis importantes do documental latinoamericano. En 2011 estreou a súa primeira longametraxe, The Lifeguard. A través de Micromundo, a súa produtora, dirixiu a súa segunda película, TeaTime, que gañou máis de doce premios internacionais e foi proposta ao Goya 2016 á Mellor Película Iberoamericana. En 2016 estreou a curtametraxe No soy de aquí proposta ao Premio do Cinema Europeo e tamén estreou a súa terceira longametraxe Los mayores que conseguiu dez premios internacionais. En Sundance 2020 estreou The Mole Agent, o primeiro documental chileno nomeado aos Premios da Academia.
Directora: Maite Alberdi (Chile)
Xénero: Documental
País de produción: Chile
Ano de produción: 2023
Duración: 85’
Idioma: Española
Elenco: Paulina Urrutia, Augusto Góngora
Produción: Maite Alberdi, Juan de Dios Larrain, Pablo Larrain, Rocío Jadue
Guionistas: Maite Alberdi
Dirección de fotografía: Pablo Valdes
Empresas produtoras: Fabula, Micromundo Producións, Chicken and Egg Pictures, Inmaat Productions, Uta Independent Film Group
Vendas internacionais: Dogwook
Gañadora do Premio World Cinema - Documentary en Sundance, Mellor Documental en Minneapolis St Paul, Mellor película latinoamericana en Premios Forqué, proposta en Berlín, Atenas, Dallas, Miami, DocAviv, San Sebastián. Goya á Mellor película iberoamericana.
Estrea na Coruña.
