Sinopsis
Por primeira vez en moito tempo, a tres recluídos concédeselles un permiso de fin de semana. Son corenta e oito horas que terán que servirlles para relaxarse, para reencontrarse cos seus seres queridos e, en definitiva, para tentar recuperar o tempo perdido.
Ève Duchemin é directora e guionista. Aprendeu o oficio da imaxe no INSAS (Bélxica) nos anos 2000. Dirixiu varios retratos documentais (encargándose tamén da súa fotografía), como Ghislain et Liliane, couple avec pigeons (2005) ou Mémoire d'Envol (2007). Retratou tamén unha mocidade cada vez máis precaria en Avant que les murs tombent (2009) e Adulthood (2012), premiado en Brive, Nyon, Poitiers e Clermont Ferrand. Mentres preparaba o documental Into Battle (2016). Ève Duchemin descubriu, cos prisioneiros cos que realizou un obradoiro, o tema da súa primeira longametraxe de ficción: Time Out.
Con la colaboración de la Delegación General Valonia-Bruselas en España.
Directora: Eve Duchemin (Bélxica)
Xénero: Ficción
País de produción: Francia/Benelux
Ano de produción: 2022
Duración: 118’
Idioma: Francés. VOSE
Elenco: Karim Leklou, Issaka Sawadogo, Jarod Cousyns
Produción: Annabella Nezri
Guionistas: Eve Duchemin
Dirección de fotografía: Colin Lévêque
Empresas produtoras: Kwassa films, Les films de l’autre cougar
Vendas internacionais: Pyramide International
Seleccionada no Festival de Pequín
Estrea na Coruña
